Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Bajram Qerkinaj, përfaqësues i Qendrës Burimore për Personat e Zhdukur, ka shprehur keqardhjen e tij për mungesën e seriozitetit të institucioneve të Kosovës në trajtimin e çështjes së personave të zhdukur gjatë luftës. Qerkinaj ka vënë në dukje se politika në Kosovë nuk ka vënë seriozisht në prioritet zgjidhjen e kësaj çështjeje humane. Ai po ashtu ka rikujtuar marrëveshjen midis Kosovës dhe Serbisë për personat e zhdukur, por ka vlerësuar se deri më tani nuk është ndërmarrë asgjë konkrete për të zbuluar fatin e tyre. Qerkinaj gjithashtu ka shprehur shqetësimin për punën e Institutit të Mjekësisë Ligjore, duke theksuar se ende ka shumë profile të eshtrave që nuk janë identifikuar, duke e konsideruar këtë një mungesë të dukshme. Me rastin e Ditës së Personave të Zhdukur me Dhunë, është shtruar kërkesa për zbardhjen e fatit të mbi 1,600 të zhdukurve gjatë luftës në Kosovë. Institutet vendore dhe organizatat ndërkombëtare kanë bërë thirrje për të kërkuar drejtësi dhe për të dhënë përgjigje familjeve të personave të zhdukur.
