Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Komandanti i Forcës së Sigurisë së Kosovës, Gjenerallejtënant Bashkim Jashari, priti sot në një takim zyrtar të Ngarkuarin me Punë në Ambasadën e Japonisë në Kosovë, Hiroyasu Tanigaki, dhe atasheun Kolonel Tomofumi Iwasaki. Gjatë takimit, gjeneral Jashari i informoi zyrtarët japonez mbi situatën e sigurisë në rajon dhe zhvillimin e Forcës së Sigurisë së Kosovës. Ai vlerësoi marrëdhëniet e shkëlqyera me partnerët strategjikë dhe falënderoi Japoninë për mbështetjen e vazhdueshme, veçanërisht përmes programeve të trajnimit dhe shkollimit që ndihmojnë në forcimin e kapaciteteve të FSK-së. Në përfundim, të dyja palët konfirmuan gatishmërinë për të thelluar më tej bashkëpunimin dypalësh, duke riafirmuar përkushtimin për forcimin e partneritetit dhe sigurisë.
