Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Kryetari i Partisë Demokratike të Kosovës, dhe kandidati për kryeministër, Bedri Hamza, ka deklaruar se rinia kosovare është e gatshme për ndryshim dhe se ajo përbën shtyllën kryesore të vizionit të tij qeverisës. Hamza ka theksuar se angazhimi i tij si kryeministër i ardhshëm do të fokusohet në krijimin e kushteve për mirëqenie ekonomike dhe perspektivë afatgjatë për të rinjtë në Kosovë. Ai ka bërë këto deklarata pas një aktiviteti me të rinjtë në Prishtinë, ku, sipas tij, ka parë nga afër energjinë, vullnetin dhe vendosmërinë e tyre për të ecur përpara. “Të rinjtë janë gati për ndryshim. Këtë e pashë sërish mbrëmë në Prishtinë, mes energjisë dhe vullnetit të tyre për të ndërtuar një të ardhme më të mirë. Detyra jonë është t’u krijojmë mirëqenie dhe perspektivë këtu, në Kosovë. Bashkë me të rinjtë, përpara për Kosovën!”, ka shkruar Hamza.
