Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Kryetari i Partisë Demokratike e Kosovës, Bedri Hamza, ka zhvilluar një takim pune me kryetarët dhe përfaqësuesit e komunave që udhëhiqen nga kjo parti, duke vënë theksin te rritja e mobilizimit dhe forcimi i organizimit të brendshëm. Në deklarimet e tij, Hamza theksoi nevojën për struktura më aktive dhe më të afërta me qytetarin, sidomos në një kohë që, sipas tij, karakterizohet nga sfida politike dhe ekonomike. Ai kërkoi që degët e partisë të shndërrohen në qendra të ideve dhe komunikimit të drejtpërdrejtë me qytetarët. Megjithatë, përtej thirrjeve për organizim dhe mobilizim, në këtë takim nuk u prezantuan hapa konkretë apo masa të qarta se si PDK synon të adresojë problemet aktuale me të cilat përballen qytetarët. Retorika për “platformë të realizueshme” dhe “program të qartë” mbetet ende në nivel deklarativ, pa u shoqëruar me përmbajtje konkrete. Në takim u diskutua edhe për rritjen e koordinimit mes nivelit qendror dhe atij lokal, si dhe për përfshirjen më të gjerë të strukturave partiake në hartimin e politikave. Por mbetet për t’u parë nëse ky organizim i brendshëm do të përkthehet në alternativa reale dhe të prekshme për qytetarët, apo do të mbetet thjesht një proces i brendshëm politik pa ndikim të drejtpërdrejtë në jetën publike.
