Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Kandidatja nga radhët e Partisë Demokratike të Kosovës, Besa Ismaili ka vlerësuar se vetëm kjo parti e ka guximin dhe lidershipin për të rikuperuar Kosovën nga dëmet e shkaktuara nga qeverisja në largim. Ajo ka shtuar më tutje se PDK-ja do të udhëheq me vendin dhe se qytetaret do ta rikthejnë besimin te platforma e cila është e bazuar në kompetencë dhe në ekspertizë. “Partia Demokratike e Kosovës, si parti e qytetarëve të Kosovës gjithë platformën e re politike e ka ndërtuar mbi nevojat politike dhe ekonomike të qytetarëve të Kosovës dhe kështu ka ardhur me një platformë dhe ekspertizë ekonomike për të adresuar interesat dhe nevojat e mëdha të qytetarëve të Kosovës. Këtë program do ta udhëheq Bedri Hamza i cili ka kompetencën, por ka edhe vizionin se si të dilet nga kriza në të cilën është katandisur Kosova dhe qytetaret e saj” ka thënë mes tjerash, kandidatja nga radhët e Partisë Demokratike të Kosovës, Besa Ismaili.
