Drejtori ekzekutiv i Institutit të Kosovës për Qeverisje Lokale, Besnik Tahiri, ka bërë me dije se decentralizmit të tanishëm i ka skaduar afati. Tahiri, i cili është edhe këshilltar i lartë i Institutit Demokratik Amerikan, ka thënë se sistemi i pushtetit lokal duhet t’i nënshtrohet një rimendimi dhe rirregullimi të thellë. Në një intervistë për gazetën “Epoka e re”, ai ka vlerësuar se kjo do të ishte në të mirë të demokracisë. “Qeverisja lokale bazohet në legjislacion, i cili është miratuar një dekadë më parë. Për kohë, rrethanat politike kjo kornizë ligjore ka qenë kompatibile me synimet politike. Tetë vjet pas sistemi i pushtetit lokal duhet t’i nënshtrohet një rimendimi dhe rirregullimi të thellë. Sistemit të tashëm të qeverisjes lokale i ka skaduar afati”, ka thënë Tahiri. Ai ka bërë thirrje që, krahas reformës elektorale që po pretendohet të bëhet edhe në nivel lokal, të ndodhë edhe reforma në qeverisjen lokale.
Kontrolloni gjithashtu
DASh, është shprehur i zhgënjyer pasi dy persona të sanksionuar nga ShBA janë propozuar për të qenë pjesë e qeverisë së re në Serbi
Departamenti Amerikan i Shtetit ka bërë e ditur se pozicioni i tyre për ish-shefin e …