Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Gazeta gjermane “Bild” shkruan se 11 veta, (pa precizuar përkatësinë e të gjithëve por duke përmendur disa kurdë), janë vrarëve nga një vrasës gjerman në dy sulme të mbrëmshme në Hanau. Vrasësi më vonë është gjetur në apartamentin e tij. Ai është Tobias R. Rreth orës 22:00 mbrëmë i dyshuari kishte shtënë me armë zjarri në qendër të Hanaut dhe në një bar ka shkaktuar viktima: pesë të rinj, përfshirë edhe një grua me origjinë kurde. E një skenë tjetër krimi është lokalizuar në 2 kilometra largësi, në distriktin Kesselstadt. Këtu, i dyshuari është gjetur i vdekur në apartamentin e tij. Sipas Policisë nuk ka të tjerë të dyshuar, derisa një tjetër ishte arrestuar mbrëmë. Bild raporton se i dyshuari ka lënë një letër rrëfimi dhe një video. Ndër të tjera, i dyshuari Tobias R., flet për nevojën për të shkatërruar disa popuj, dëbimi i të cilëve nga Gjermania nuk po mund të arrihet më. Në bazë të raportimeve thuhet se i dyshuari kishte pikëpamje të djathta, por mbante armë me leje, edhe pse ligji në Gjermani kufizon skajshëm personat që mbajnë’ armë me leje.
