Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Ish-deputeti i Kuvendit të Kosovës dhe kandidati i Lëvizjes Vetëvendosje për kryetar të komunës së Besjanës, Shpejtim Bulliqi ka reaguar ashpër ndaj kryetarit të Lidhjes Demokratike të Kosovës, Isa Mustafa i cili gjatë fushatës ka thënë se fajtori kryesorë për mos liberalizimin e vizave për Kosovën, është edhe Shpejtim Bulliqi për gjoja mos ratifikimit të marrëveshjes së demarkacionit me Malin e Zi gjatë viteve 2015-18. Në reagimin e tij ndaj kësaj deklarata të z.Mustafës, Shpëjtimi Bulliqi ka thënë se është vetë Isa Mustafa, ai i cili nga Ashton ka kërkuar që liberalizimi i vizave për qytetarët e Kosovës të kushtëzohet me ratifikimin e marrëveshjes me Malin e Zi, fakt të cilin e ka bërë publik vetë Faye, anëtare e Parlamentit Evropian, e cila pati deklaruar, se çështja e heqjes së vizave për Kosovën nuk ka qenë e kushtëzuar me ratifikimin e marrëveshjes me Malin e Zi, por këtë na e kishin kërkuar vetë udhëheqësit e qeverisë së Kosovës. Kryetari i Lidhjes Demokratike të Kosovës është duke bërë një fushatë të ulte e me shpifje ndaj meje por qytetarët vendlindjes sime dhe të Llapit e më gjerë do ta demantojnë më së miri dyfytyrësinë dhe imoralitetin politik dhe kombëtar të Isa Mustafës, ka shkruar ish-deputeti i Kuvendit të Kosovës dhe kandidati i Lëvizjes Vetëvendosje për kryetar të komunës së Besjanës, Shpejtim Bulliqi.
