Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Burime diplomatike jo zyrtarisht bëjnë të ditur se kryetari Kosovës, Hashim Thaçi, në fillim të javës së ardhshme do të takohet me kryetarin e Shteteve të Bashkuara të Amerikës, Donald Trump. Ata do të flasin për iniciativën e përkrahur nga SHBA-ja për korrigjimin e kufijve ndërmjet Kosovës dhe Serbisë. Një gjë e tillë ishte krejtësisht e pritur pas deklaratave të publikuar ditë më parë nga këshilltari për siguri i kryetarit Trump, John Bolton. Në një konferencë me gazetarë në Kiev të Ukrainës, Bolton kishte thënë se politika amerikane është që, nëse të dyja palët mund të punojnë me njëra-tjetrën për të arritur një marrëveshje, Uashingtoni zyrtar nuk përjashton korrigjimet territoriale. Kryetari Thaçi dhe ai amerikan, Donald Trump, mësohet se do të bisedojnë edhe për marrëdhëniet bilaterale dhe zhvillimet në Ballkanin Perëndimor, me theks të veçantë për procesin e dialogut ndërmjet Kosovës dhe Serbisë për arritjen e marrëveshjes paqësore.
