Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Në bisedimet mes Kosovës dhe Serbisë në Bruksel, Asociacioni i komunave me shumicë serbe është pranuar nga të dyja palët, si nga Kurti ashtu dhe nga Vuçiç. Draft-statuti i propozuar së fundi nga diplomatët evropianë, e ka një “pikë referimi” dhe kjo është pikërisht drafti i propozuar në qershor të këtij viti nga Kryeministri shqiptar Edi Rama. Asokohe, Kryeministri Rama njoftoi se i kishte përcjellë presidentit Macron dhe kancelarit Scholz një draft për Asociacionin e komunave serbe, për të cilin kishte vënë në dijeni dhe presidentin e KE-së, Sharl Mishel dhe palën amerikane. Burime diplomatike në BE deklaruan se Drafti i Ramës për Asociacionin, ishte një tekst serioz për Bashkimin Evropian. Siç deklaronte Rama, drafti i propozuar prej tij ishte punuar nga ekspertët e lartë amerikanë dhe evropiane prej kohësh, në rast se dy palët Kosovë-Serbi nuk do merreshin vesh me njëra-tjetrën. Dhe ky moment erdhi. Sulmi që ndodhi në Banjskë, rriti tensionet Prishtinë-Beograd, ndaj dhe ndërhyrja e BE-së ishte emergjente për të stabilizuar situatën. Takimet e ndara të kryeministrit të Kosovës, Albin Kurti dhe presidentit të Serbisë, Aleksandër Vuçiç me liderët e shteteve kryesore të BE-së ishin hapi pozitiv drejt një marrëveshjeje mes palëve ku fokusi ishte Asociacioni. (Top Channel)
