Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Kryeministri i Kosovës, Albin Kurti, ka mirëpritur letrën e Sekretarit amerikan të Shtetit, Antony Blinken, duke thënë se mezi pret të punojnë së bashku. Në përgjigjen e tij të shkurtë, Albin Kurti ka deklaruar se “Kosova shpreh mirënjohje ndaj SHBA-së në përkushtimin për normalizimin e marrëdhënieve ndërmjet Kosovës dhe Serbisë përmes një marrëveshjeje ligjërisht të detyrueshme me qëllim final njohjen reciproke. Unë e mirëpres letrën e Sekretarit Blinken dhe mbështetjen e tij për prioritetet tona në punësim dhe drejtësi. Mezi pres të punojmë së bashku, ka shkruar Kurti pa bërë asnjë koment lidhur me kërkesat e Sekretarit Amerikan të Shtetit, Antony Blinken, të cilat në vazhdimësi iu kanë drejtuar të gjithë krye qeveritarëve të Kosovës, sidomos lidhur me marrëdhëniet me Serbinë.
