Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Ministri i Jashtëm i Serbisë ka ironizuar kërkesën që Kosova do të bëhet anëtare e OSBE-së. Ai ka deklaruar me këtë rast se vetëm kur, Çedomir Jovanoviq, kryetar i Partisë Liberal-Demokratike të bëhet ministër i Jashtëm i Serbisë, atëherë edhe Kosova mund të bëhet pjesë e OSBE-së, Organizatë Evropiane për Siguri e cila nuk e njeh pavarësinë e Kosovës. Ky reagim i Daçiqit, sipas gazetës serbe “Novosti’, ka të bëjë me paralajmërimet që vijnë nga Tirana se Shqipëria do të iniciojë çështjen e anëtarësimit të Kosovës në Këshillin e Përhershëm të OSBE-së. Daçiq, i cili në emrin e Serbisë ka kryesuar OSBE-në vitin e kaluar, thotë se në këtë organizatë ndërkombëtare vendimet merren me konsensus. Pa pëlqimin e Serbisë nuk ka pranim ka saktësuar Daçiq, i sigurt se OSBE-ja, ashtu si EULEX-i, BE-ja si organizatë, dhe pesë vende të Evropës nuk do ta pranojnë pavarësinë e Kosovës.
