Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Gazeta austriake, “Der Standard” shkruan se në Ballkan vetëm Shqipëria dhe Kosova janë orientuar fuqishëm drejt perëndimit. Këtë konstatim e mbështet edhe gazeta, Schwaebische, e cila shton edhe faktin se edhe lideri malazez, Gjukanoviq është properëndimor. Manovrat e përbashkëta ushtarake mes Bellorusisë, Rusisë e Serbisë afër kufirit të Maqedonisë, manovrat e NATO në Malin e Zi, përpjekja e Grushtit të shtetit, përpjekja për atentat kundër kryeministrit Vuçiq, tregojnë më së qarti se diçka po zije në Ballkan – mollë sherri mes Perëndimit dhe Lindjes,” shkruan Schwaebische. Në pak ditë, janë sekuestruar arsenal i madh i armëve, njëra afër shtëpisë së Vucic në Beograd. Kundërshtarët më të mëdhenj të Vuçiqit janë oligarkët që janë të fuqishëm financiarisht dhe mbështesin disa parti serbe. Politika pro Europiane e Vuçiqit është gjithashtu në kundërshti me politikën e presidentit serb, Tomislav Nikoliq dhe partnerin e koalicionit, socialistët e Ivica Dacic, të cilët njihen si filo-rusë. Rusia e Vladimir Putinit shpreson që Serbia do të kundërshtojë jo vetëm integrimin në NATO, por edhe BE-në. Serbia zyrtare po mundohet të përfitojë ekonomikisht nga Brukseli, ndërsa në të njëjtën kohë për interesat e saj në Ballkan e sheh Rusinë si partner strategjik.
