Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Analisti amerikan Daniel Serwer thotë se Prishtina është e angazhuar në përpjekje për të frenuar ekstremizmin dhe se kjo luftë ka dhënë rezultate. Duke komentuar një artikull të botuar në gazetën New Jork Times, në të cilin Kosova cilësohet si një burim i ekstremizmit islamik dhe i xhihadistëve, Serwer thotë se për një sërë arsyesh ai nuk pajtohet plotësisht me pikëpamjen e shprehur në gazetë. Ai mendon se popullata në Kosovë e mbështet mjaft NATO-n dhe Bashkimin Evropian. “Së pari, është i vogël numri i kosovarëve të rekrutuar në krahasim me përmasat e popullsisë së atjeshme myslimane. Nga autoritetet e Kosovës janë marrë masa të forta ligjore në këtë aspekt, siç kanë qenë ndjekjet penale dhe dënimet. Dhe, në fund të fundit, popullata në Kosovë është shumë pro NATO-s, shumë pro Bashkimit Evropian dhe shumë kundërshtuese ndaj ISIS-it”, ka thënë Serwer, raporton Zëri i Amerikës. Analisti thotë se në Kosovë ka një farë përhapje të praktikave fetare që janë më konservatore. Kosova ka qenë një vend ku praktimi i fesë ka qenë dekuraruar për shumë dekada. Prandaj nuk është e habitshme që ka disa njerëz të cilët kanë zgjedhur një drejtim më konservator, sidomos në fshat, por kjo është mjaft e ndryshme nga ekstremizmi.
