Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Kreu i PSD-së, Dardan Molliqaj ka drejtuar akuza ndaj ish-presidentes Vjosa Osmani, duke e kritikuar për qasjen e saj politike, të cilën e cilëson si të orientuar drejt përfitimeve personale. Në një video të publikuar në rrjete sociale, Molliqaj deklaroi se angazhimi politik i Osmanit, sipas tij, lidhet kryesisht me avancimin e karrierës së saj. Ai tha se qëndrimet e saj ndaj kryeministrit në detyrë Albin Kurti ndryshojnë në varësi të interesave politike. “Sipas tij, për Osmanin Kurti herë është ‘më i miri’ e herë ‘më i rrezikshmi’, varësisht nëse ajo përfiton pushtet apo pozitë prej tij”, është shprehur Molliqaj. Ai gjithashtu rikujtoi një deklaratë të mëhershme të Osmanit në Kuvend, ku ajo kishte paralajmëruar se po “luhet bixhoz” me miqësinë me Shtetet e Bashkuara dhe aleancat perëndimore. Deklaratat e fundit të Molliqajt vijnë në një kohë tensionesh të vazhdueshme në skenën politike në Kosovë, ku raportet mes figurave kryesore politike shpesh shoqërohen me akuza dhe kundër akuza publike.
