Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Kandidati për kryetar të Prishtinës nga AAK-ja, Daut Haradinaj ka thënë se është i lumtur me ekipin e dizajnerëve të fushatës, të cilët kanë përgatitur materialet që identifikojnë̈ garën për kryeqytetin. Ai ka publikuar disa formate përshkruese me të cilat do të identifikohet Prishtina si “shtëpi e të gjithëve”. “Sot jam i lumtur që ekipi i dizajnerëve të fushatës kanë përgatitur disa nga materialet që do ta identifikojnë garën tonë për fitore. Hyjnesha në fron, se Prishtina ka histori e qëndresë, Sahat Kulla, se Prishtina i qëndroi kohës e mbeti e veçantë. Pallati i Rinisë se u ndërtua nga një gjeneratë e re, për të qenë pikëtakim i përhershëm i rinisë”, ka shkruar Haradinaj në një postim të tij.
Postimi i plotë
Sot jam i lumtur që ekipi i dizajnerëve të fushatës kanë përgatitur disa nga materialet që do t’a identifikojnë garën tonë për fitore.
Hyjnesha në fron, se Prishtina ka histori e qëndresë
Sahat Kulla, se Prishtina i qëndroi kohës e mbeti e veçantë
Pallati i Rinisë se u ndërtua nga një gjeneratë e re, për të qenë pikëtakim i përhershëm i rinisë.
Xhamia, se gjithçka filloi nga aty për ta bërë Prishtinën shtëpi të të gjithëve.
Shumë ngjyra se Prishtina është vend i njerëzve më interesantë me shumë karaktere e veçori që i japin gjallëri jetës.
Për këto e shumë shkaqe të tjera, për ne – #eparaPrishtina, andaj për ta rritë madhështinë e Prishtinës me fitore, na shkoftë #punamarë!
