Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Deputetët e Vetëvendosjes Albin Kurti, Faton Topalli, Donika Kadaj-Bujupi dhe Albulena Haxhiu janë deklaruar të pafajshëm, pasi që prokurori ua lexoi aktakuzën, për hedhjen e gazit të lotsjellës në Kuvendin e Kosovës. Haxhiu dhe Topalli kanë shkuar në seancë në bazë të thirrjes së gjyqtarit, ndërkohë Kurti dhe Kadaj-Bujupi janë sjellë nga paraburgimi pasi janë arrestuar sepse kishin shkelur masën e arrestit shtëpiak. Ndërkohë dëshmitarët e këtij rastit, deputetët Xhavit Haliti, Blerta Deliu Kodra, Bekimi Haxhiu janë liruar nga seanca deri në ftesën e radhës për të dëshmuar. Në fillim të seancës avokati i të akuzuarës Donika Kadaj-Bujupi kërkoi përjashtimin e trupit gjykues ndërsa për Kurtin, Haxhiun dhe Topallin janë caktuar avokatë sipas detyrës zyrtare. Kërkesa për përjashtimin e trupit gjykues nuk është aprovuar.
