Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Deputeti i Bundestagut gjerman, Peter Beyer është përzgjedhur raportues për Kosovën në Këshillin e Evropës. Këtë e ka konfirmuar edhe shefi i delegacionit të Kuvendit të Republikës së Kosovës për Politikë të Jashtme, Xhavit Haliti, teksa tha se kanë arritur të neglizhojnë pretendimin e rusit Alexei Kondratiev në pozitën e raportuesit për Kosovën. “Është e vërtet se ne jemi munduar dhe kemi arrit, rezultati është shumë pozitë për neve, 6 vota i ka fituar rusi, 33 i ka fituar Peter Beyer, kështu zotëri Peter Beyer është raportues për Kosovën”, tha ai. Po ashtu dhe faqja zyrtare në Twiter e Parlamentit Evropian e ka uruar deputetin gjerman Beyer për pozitën e raportuesit. Mbi 40 organizata të shoqërisë civile kosovare kanë përkrahur letrën e dërguar Këshillit të Evropës, Asamblesë Parlamentare dhe Komitetit për Çështje Politike duke i bërë thirrje për të parandaluar përzgjedhjen e delegatit rus të Asamblesë Parlamentare, Alexei Kondratiev në pozitën e raportuesit për Kosovën./KP/
