leoni

Dëshmitari, Shon Byrnes, përfundoi paraqitjen e tij pesë ditore, në gjykimin që po mbahet në Hagë, kundër krerëve të UÇK-së

Dëshmitari, Shon Byrnes, ka përfunduar dëshminë e tij pesëditëshe në gjykimin që po mbahet në Hagë kundër krerëve të Ushtrisë Çlirimtare të Kosovës, Hashim Thaçi, Kadri Veseli, Rexhep Selimi dhe Jakup Krasniqi. Dëshminë e tij, Byrnesi e filloi më 25 mars 2024, ndërsa sot ishte dita e pestë e dëshmisë së tij, raporton “Betimi për Drejtësi”. Në fund të dëshmisë së tij, ai u mor në pyetje nga mbrojtja e Veselit lidhur me rolin e këtij të fundit gjatë periudhës së luftës në Kosovë. Ai tha se  e vetmja gjë që kishte ditur për Veselin deri më 10 mars 1999, ishte se ai ka qenë këshilltar në Rambuje. Pasi mbaroi dëshminë, Shon Bërns, falënderoi trupin gjykues për pushimin e nevojshëm që i kishte dhënë gjatë kësaj kohe, si dhe kërkoi të informohet nëse i lejohet kontakti me Zyrën e Prokurorisë  ose mbrojtjen pas kësaj periudhe. Tashmë që e kam mbaruar dëshminë time, nuk e di a mund të kem fare kontakt më as me ZPS-në, as me mbrojtjen në të ardhmen? Ndërsa, kryetari i trupit gjykues, Charles Smith, i tha që ai nuk i jep dot urdhër ta bëjë një gjë të tillë. Mbetet në vullnetin e dëshmitarit se çfarë dëshiron të bëjë ai.

Kontrolloni gjithashtu

Ejup Maqedonci: Serbia me qasjen e saj hegjemoniste dhe agresive karshi Kosovës do të bëjë që tensionet të vazhdojnë

Ministri i Mbrojtjes së Kosovës, Ejup Maqedonci, dje pas bllokimit në kufi me Serbinë të …