Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Nga të dhënat e Policisë së Kosovës mësohet se dhuna në familje po shënon rritje të jashtëzakonshme, nga viti në vit. Sipas të dhënave të Policisë së Kosovës, nga viti 2015 e deri në tetë mujorin e vitit 2019 janë raportuar 6 mijë 201 raste ndërsa vetëm gjatë periudhës janar-gusht 2019 janë raportuar 1 mijë 135 raste të dhunës në familje. Njohësit e shoqërisë dhe familjes kanë tërhequr vërejtjen se rastet e dhunës mund të jenë edhe më të mëdha por ato mbesin të raportuara për shkak të frikës nga pasojat e mëtejme që mund të vijnë nga denoncimi i dhunuesve. Duke folur për këtë dukuri shqetësuese, sociologu, Besim Gollopeni është cituar të ketë thënë se ajo që më së shumti pëson përveç viktimës, janë fëmijët e që ne më së paku si familje dhe shoqëri kujdesemi në këtë aspekt. Fëmijët gjithmonë dhunën në familje e përjetojnë si dika që ata janë shkaktari kryesor që po dërgojnë prindërit te dhuna. Reflekton një mungesë e suksesit, socializmit me bashkëmoshatarët dhe me rrethin ku jetojnë, por reflekton edhe në suksesin e mësimit dhe rritjen e agresivitetit.
