Diskutohet për Planin Zhvillimor të komunës së Ferizajt  

24/06/2016 Institucionet

Të premten në Ferizaj, është mbajtur diskutim publik për Planin Zhvillimor Komunal. Në këtë diskutim publik merrnin pjesë drejtues të qeverisë lokale të Ferizajt, qytetarë, por edhe zyrtarë të Ministrisë së Ambientit dhe Planifikimit Hapësinor.

Në hapjen e këtij diskutimi publik, numri një i qytetit të Ferizajt, Muharrem Svarqa, është shprehur se hartimi i planit zhvillimor komunal dhe hartave zonale  janë dy dokumente tejet të rëndësishme për komunën e Ferizajt. Sipas tij përmes tyre synohet që të përcaktohen kufijtë gjeografikë të zonave ndërtimore, zonave urbane dhe tokave bujqësore,  me qëllim të mbrojtjes së tyre për përfitime të hapësirave të gjelbëruara që është qëllim synim dhe përcaktim i qytetarëve si dhe fillimi i inkorporimit  të studimit të fizibilitetit brenda planit zhvillimor komunal dhe hartës zonale.

“Sa i përket qeverisjes komunale  dhe drejtorive komunale, kanë marr të gjitha masat për fillimin e këtij aktiviteti nga janari i këtij viti, ku janë përcaktuar të gjitha kahet e organizimit dhe hartimit të këtij plani zhvillimor,  duke caktuar edhe koordinatoret e drejtorive të cilët janë marr me koordinimin e të gjitha të dhënave të mbledhura dhe seleksionimin e tyre”, ka thënë kryetari Svarqa, duke falënderuar qytetarët të cilët ishin prezent në këtë debat dhe të cilët jepnin kontributin e tyre.

Nga ana tjetër drejtori i Urbanizmit Faik Grainca, ka thënë se Komuna e Ferizajt përkundër traditës në fushën e planifikimit, në të kaluarën në periudha të ndryshme është ballafaquar me probleme të mëdha hapësinore dhe urbane.

“Për këtë arsye ne sot ju kemi thirrur që të bëjmë një proces  që e kemi filluar qysh nga janari i këtij viti ta vazhdojmë së bashku dhe ta përfundojmë së bashku. Me zhvillimet brenda autoritetit qendror për planifikimet e Ministrisë së Mjedisit dukshëm është shtuar kërkesa për plane të reja. Ministria e Ambientit dhe Planifikimit Hapësinor vazhdojë me reformën e planifikimit hapësinor me miratimin e ligjit  të ri. Rëndësia e këtij akti qëndron në detyrimet që kanë komunat që brenda afatit të caktuar të hartojnë planet e tyre dhe duke aplikuar parimet ndërkombëtarë të qeverisjes,  ndër të cilat janë gjithëpërfshirja e qytetarëve, transparenca dhe krijimi i ndjenjës së pronësisë së planit”, ka thënë drejtori Grainca, duke shtuar se komuna jonë tashmë ka filluar procesin e hartimit të planit zhvillimor komunal i cili përfshinë gjithë territorin e komunës së Ferizajt.

Ndërkaq Suzana Goranci përgjegjëse në departamentin e planifikimit hapësinor  në kuadër të Ministrisë së Ambientit  dhe Planifikimit Hapësinor, ka përgëzuar Komunën e Ferizajt, që ka filluar ta merr shumë seriozisht hartimin e Planit Zhvillimor Komunal.  Ajo ka thënë se reformat të cilat kanë ndodhur në aspakëtin e planifikimit hapësinorë në bazë të ligjit të planifikimit hapësinor ka obliguar edhe drejtoritë e urbanizmit për përgatitjen e një dokumenti të tillë siç është plani zhvillimor komunal.

Kurse qytetarët e pranishëm në këtë debat, kanë dhënë propozimet  e tyre nga më të ndryshmet për përfshirjen e tyre në planin zhvillimor komunal.

U tha se debate të tilla më qytetarë do ë mbahen në vazhdimësi me qëllim të vetëm që plani zhvillimor komunal të jetë sa më i kompletuar.

Kontrolloni gjithashtu

Komiteti për Familjet e Dëshmorëve, Invalidëve dhe Veteranëve të UÇK-së  dhe Martirëve të luftës në komunën e Malishevës mbajti mbledhjen e tretë të rregullt

Komiteti për Familjet e Dëshmorëve, Invalidëve dhe Veteranëve të UÇK-së  dhe Martirëve të luftës në …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara