Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
I dërguari i posaçëm i Shteteve të Bashkuara për Afganistanin, Zalmaj Halilzad, paraqiti para udhëheqësve afganë një draft të marrëveshjes midis Shteteve të Bashkuara dhe talibanëve për t’i dhënë fund luftës 18-vjeçare në Afganistan. Zyrtarët afganë thanë se Halilzad takoi presidentin afgan, Ashraf Ghani, dhe ia tregoi atij kopjen e projekt-marrëveshjes, të arritur pas rrethit të fundit të bisedimeve. Qeveria afgane, e mbështetur nga SHBA-ja, do të duhet “t’i studiojë dhe vlerësojë” detajet e draft-marrëveshjes, tha zëdhënësi qeveritar, Sedik Sediki.
“Jemi në prag të përfundimit të pushtimit dhe arritjes së një zgjidhjeje paqësore për Afganistanin”, tha zëdhënësi i talibanëve në Katar, Suhail Shahin. Presidenti amerikan, Donald Trump, tha më 30 gusht se Shtetet e Bashkuara po zhvillojnë negociata të mira me talibanët, porse ende nuk kanë arritur marrëveshje. Talibanët, prej kohësh, kërkojnë tërheqje të plotë të të gjitha forcave të huaja nga Afganistani. Aktualisht atje ndodhen rreth 20,000 forca të huaja, shumica amerikane.
