Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
I përkrahur fuqishëm nga Rusia, Kina si dhe disa nga vendet e BE-së, kryetari i Serbisë, Aleksandar Vuçiq, përmes ambasadorit, Kyle Scott, në Beograd ka kërkuar që Amerika t’ia tërheq vërejtjen Kosovës, e cila sipas tij, me veprimet e saj po kërcënuaka paqen dhe stabilitetin në rajon, sidomos me paralajmërimin për formimin e Ushtrisë Kosovës dhe aplikimin e masës ndëshkuese 100% mbi produkte serbe që shiten në vendin tonë, përmes tregtarëve shqiptarë të vendit. Vuçiq citohet të ketë thënë se sekretari amerikan i Shtetit, Pompeo, u ka bërë thirrje autoriteteve në Prishtinë që të suprimojnë taksat ndaj mallrave nga Serbia dhe Bosnja e Hercegovina. Pozitën e Vuçiqit kundër Kosovës e kanë përforcuar edhe autoritetet e lartë të BE-së, të cilat nuk pranojnë që qytetarëve të Kosovës, t’ iu liberalizojnë vizat. Po ashtu asnjë shtet mik i Kosovës në botë nuk e ka përkrahur aplikimin e masave kundër prodhimeve serbe, sepse shumica dërrmuese e tyre vazhdojnë ta trajtojnë Kosovën si koloni të ekonomisë së Serbisë.
