Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Edhe këtë vit, Policia e Kosovës dhe ajo e Shqipërisë kanë nënshkruar memorandum bashkëpunimi për organizimin e patrullimeve të përbashkëta gjatë sezonës së verës në zona turistike. Në ceremoninë e sotme, u kërkua që kjo marrëveshje të përfshijë edhe patrullimet e forcave të rendit të Shqipërisë në qytete të Kosovës, si Prizren e Gjakovë. Drejtori i Policisë së Shtetit, Ardi Veliu, është shprehur i lumtur që po vazhdon tradita e një marrëveshje të tillë mes dy vendeve. Në anën tjetër, drejtori i Policisë së Kosovës, Samedin Mehmeti, tha se policët e dy vendeve kanë shkëmbyer përvojat më të mira deri më tani. Në takim ishte i pranishëm edhe ambasadori i Republikës së Kosovës në Shqipëri, Nait Hasani, i cili ka propozuar që këtë vit të kemi edhe policë shqiptarë nëpër qytetet si Prizreni e Gjakova. Kujtojmë se tanimë është kthyer në traditë nënshkrimi i një memorandumi të tillë mes dy vendeve.
