Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Kryeministri i Shqipërisë, Edi Rama ka kritikuar ashpër kryeministrin e Anglisë, Rishi Sunak për taktikat me shije të keqe lidhur me goditjen ndaj emigrantëve shqiptarë, që mbërrijnë ishullin me varka të vogla. Edi Rama akuzoi qeverinë e Mbretërisë së Bashkuar se “e ka shpikur dramën” mbi emigrantët shqiptarë, kur tani ata përbëjnë vetëm dy për qind të mbërritjeve të varkave në La Mansh. Në një përditësim mbi ecurinë e premtimit të tij për të ndaluar anijet, Sunak pritet të përmendë një rënie të konsiderueshme të numrit të shqiptarëve që kalojnë La Manshin si dëshmi se një qëndrim i ashpër ndaj dëbimeve do të pengonte emigrantët e paligjshëm. Shifrat janë ulur nga rreth 30 për qind e mbërritjeve, vitin e kaluar, në një ose dy për qind në katër muajt e parë të këtij viti. Edi Rama shtoi se qeveria britanike nuk mund të shkëputet nga propaganda. Është e mjerueshme dhe të lë shije të keqe të shpikësh një dramë për përfitime politike”. Kryeministri, Edi Rama nuk ka ngurruar të kritikojë ministrat kur ata flasin kundër shqiptarëve, duke akuzuar më parë zonjën, Suella Braverman, sekretaren e Brendshme, për komentet e saj të turpshme për veçimin e shqiptarëve.
