Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Bashkimi Evropian po përballet me presion në rritje për të rihapur procesin e zgjerimit, në një kohë kur sfidat gjeopolitike dhe rivaliteti mes fuqive të mëdha po e shtyjnë bllokun të rishqyrtojë qasjen ndaj vendeve kandidate. Në këtë kontekst, kryeministri i Shqipërisë, Edi Rama, ka deklaruar se vendi ndodhet në një fazë vendimtare të rrugëtimit drejt anëtarësimit në Bashkimin Evropian. “Ne kemi një rrugë të qartë drejt Bashkimit Evropian. Shqipëria është në momentin më të mirë në shumë aspekte”, ka thënë Rama në një intervistë për Financial Times. Megjithatë, sipas raportimit të Financial Times, të transmetuar edhe nga TCh, një numër vendesh kandidate po shfaqin skepticizëm nëse premtimet e Brukselit do të materializohen në anëtarësim të plotë. Ndërkohë, diskutimet për reformimin e procesit të zgjerimit, përmes një modeli të integrimit gradual, kanë nxitur shqetësime te disa shtete aspirante. Sipas tyre, një qasje e tillë mund të krijojë një Bashkim Evropian me nivele të ndryshme anëtarësimi, duke zgjatur procesin e pranimit dhe duke lënë vendet kandidate në një status të ndërmjetëm për një periudhë të pacaktuar.
