Ekzekutivi komunal në Ferizaj mbajti mbledhjen e rregullt javore

27/04/2018 Institucionet

Kryetari i Komunës së Ferizajt, Agim Aliu paraditen e sotme ka mbajtur mbledhjen e rregullt me drejtorët e drejtorive komunale. Në këtë mbledhje, kryetari Aliu njoftoi drejtorët e drejtorive komunale për aktivitetin javor, duke theksuar vizitën e ministrit të Kulturës, Rinisë dhe Sportit, Kujtim Gashi, me ç’rast nga memorandumet e bashkëpunimit që ka nënshkruar kjo e fundit me Ferizajt, ky sektor do të fuqizohet përmes investimeve konkrete, sidomos në sportin lokal siç është financimi i projektit për ndërtimin e Qendrës Sportive në Greme dhe projekte të tjera. Po ashtu, në këtë mbledhje, u njoftua edhe për fazën e përgatitjeve për seancën e radhës të Kuvendit të Komunës, me ç ‘rast drejtorët komunal prezantuan pika e diskutimit që planifikojnë t’i propozojnë për këtë seancë. Theks i veçantë në këtë takim u vu mbi projekte të ndryshme infrastrukturore për të cilat Kryetari i Komunës, është i vendosur t’i finalizoj me një standard krejt të ri në kualitet dhe punë profesionale si dhe në afatin optimal të kryerjes së punimeve, duke mos toleruar vonesa të paarsyeshme e punime jocilësore për këto projekte. Gjithashtu, pjesë e diskutimeve në këtë mbledhje të ekzekutivit komunal ishin edhe një numër i projekteve të dorëzuara nëpër agjenci të ndryshme shtetërore e ndërkombëtare, financimi i së cilave do t’i jap një dimension të ri zhvillimit në ato sektor ku janë planifikuar këto projekte.

Kontrolloni gjithashtu

U mbajt akademi përkujtimore në nderim të heroit Abaz Thaçi dhe 10 dëshmorëve tjerë nga Drenica

Në Qendrën e Kulturës “Hasan Prishtina” në qytetin e Skenderajt është mbajtur akademi përkujtimore në …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara