Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Këshilltari i Albin Kurtit, Elvis Hoxha nuk e kupton pse flitet për mocion e për gjendje të jashtëzakonshme, në një gjendjeje që mund të kthehet në krizë. Kjo, sipas tij vjen prej padijes. Duhet ta kuptoj edhe unë edhe të tjerët: a e njeh presidenti i Kosovës se ç’nënkupton gjendje e jashtëzakonshme? A e di ai se përse nuk është vendosur gjendje e jashtëzakonshme në shtete të tjerë? Përballë tërë ekspertizës, presidenti del me një togfjalësh të bujshëm: “gjendje e jashtëzakonshme”. I gjithë-dituri Elvis Hoxha i ka shpjeguar kryetarit Hashim Thaçi se çka do të thotë Stato di emergenza ose stato di urgenca, e cila sipas tij ndryshon kryekëput nga stato di eccezione, duke pretenduar se është i vetmi që di italisht, por pa dhënë të kuptohet se çka hyn gjuha italiane në këtë mes, kur nuk ka fjalë italisht që nuk përkthehet shqip. Ky njeri, i cili pretendon se i di të gjitha mbase ka ndonjë informatë se Thaçi nuk e kupton gjuhën italiane, andaj vetëm edhe për këtë qenka kryetar i padijshëm, i cili nuk di të bëjë dallime mes emergjencës, urgjencës dhe gjendjes së jashtëzakonshme, kur këto shkruhen e kuptohen shqip nga të gjithë shqiptarët. A thua a e kuptoi vetë çka deshi të thotë i “gjithëdituri”, Elvis?
