Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Pas takimit me liderin e Lëvizjes Vetëvendosje, Albin Kurti dhe ushtrueses së detyrës së kryetares, Vjosa Osmani, kryetari i PDK-së Enver Hoxhaj ka mbajtur një konferencë për media në ambientet e Kuvendit të Kosovës. Ai ka bërë me dije se në këtë takim Kurtit ia ka shtruar dhjetë çështje sa i përket zhvillimeve në vend. Hoxhaj ka bërë me dije se kanë kërkuar nga Kurti që të distancohet nga veprimet e Vetëvendosjes, si gazi lotsjellës në Kuvend dhe ka kërkuar nga ai se çfarë qëndrimi ka për marrëveshjen e arritur në Uashington, për marrëveshjen e demarkacionit dhe për reciprocitetin me Serbinë. Ai ka thënë se për takimin që ka pasur me Kurtin dhe Osmanin do të diskutojnë në mbledhjen e kryesisë së PDK-së, dhe tek pastaj do të dalin me qëndrim sa i përket krijimit të institucioneve të reja. “Debati i sotëm ka qenë përmbajtësorë dhe qëndrimet tona janë të qarta”, është shprehur Hoxhaj.
