Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Eprori i lartë i LKÇK-së e më pas i UÇK-së, Fatmir Humolli nuk e përjashton mundësinë e dorëheqjes nga Vetëvendosja. Luftëtari i lirisë, Humolli ka thënë se dorëheqja e tij mund të ndodh nëse partia nuk punon në të mirën e qytetarëve. Madje, ai ka folur edhe për ministrin e Financave, Hekuran Muratin, për të cilin thotë se ka hyrë në konflikt me të gjitha Sindikatat dhe se nëse nuk ndryshon qasje “duhet të shkojë në shtëpi”. “Unë nuk kam hy në Kuvend për Vetëvendosjen, por për misionin e saj, për ta ia kthyer besimin qytetarëve në vendin tonë. Nëse punohet kundër perspektivës, nëse vazhdojnë të atakohen të gjitha kategoritë, siç është duke i atakuar sidomos ministri aktual, Hekuran Murati, i cili hyn në konflikt me të gjitha Sindikatat, hyn në konflikt pa nevojë edhe në Kuvend, atëherë ose duhet ky ministër të shkojë në shtëpi ose unë nuk mund të qëndroj më gjatë në Grupin Parlamentar të Vetëvendosjes, ka saktësuar, Fatmir Humolli.
