leoni

Erdogan uron Metën dhe e fton për vizitë zyrtare

Erdogan uron Metën dhe e fton për vizitë zyrtare

Kryetari i Turqisë, Recep Taip Erdogan ka uruar Ilir Metën për zgjedhjen e tij në postin e kreut të Shqipërisë. Urimi është marrë nga Kryetari i zgjedhur i Shqipërisë përmes një bisede telefonike që është zhvilluar mes të dyve. “Ju falenderoj për kontributin tuaj si kryetar Kuvendi në forcimin e marrëdhënieve mes dy vendeve”, është shprehur në telefonatën e tij kryetari turk, që më pas ka ftuar Metën në një vizitë zyrtare në Turqi. Nga ana e tij, Ilir Meta ka shprehur besimin për forcimin e mëtejshëm të bashkëpunimit mes Shqipërisë dhe Turqisë. “Rajoni përballet me sfida të mëdha stabiliteti e sigurie që kërkojnë përgjegjshmëri e përkushtim. Miqësia mes Shqipërisë dhe Turqisë është e rëndësishme për gjithë rajonin. Të forcojmë më tej marrëdhëniet tradicionale e vëllazërore midis dy vendeve. Forcimi marrëdhënieve tona do t’i shërbejë sigurisë rajonale e luftës kundër terrorizmit”, është kryetari Meta.

Kontrolloni gjithashtu

Lajçak

Miroslav Lajçak: Gjashtë vendet e Ballkanit Perëndimor janë në procese të ndryshme të pranimit në BE

Emisari i BE-së për dialogun Kosovë-Serbi, Miroslav Lajçak, ka marrë pjesë aktive në Konferencën e …