Është bërë zbulimi i shtatores së Komandantit Ilaz Kodra

30/04/2019 Institucionet

Pikërisht në 20 vjetorin e rënies së komandantit Ilaz Kodra, trimit të rrallë të Ushtrisë Çlirimtare të Kosovës, shokun e ngushtë të Komandantit Legjendar Adem Jashari, që nga stërvitjet ushtarake të vitit 1991, të Fehmi e Xhevë Lladrovcit, Hamzës dhe shumë bashkëluftëtarëve të tjerë çlirimtarë, është bërë zbulimi i shtatores së tij. Kryetari i komunës së Skenderajt, Bekim Jashari bashkë me nënkryetarin Nuredin Lushtaku, bashkëluftëtarët e Ilaz Kodrës dhe familjarët, kanë nisur ditën me homazhe te busti i Ilaz Kodrës dhe tek Kulla e tij në Prekaz për t’i shprehur nderim sakrificës së tij, për lirinë e Kosovës. Është ditë e shënuar ky përvjetor, për t’i bërë nderë sakrificës së Ilaz Kodrës, për lirinë e Kosovës, si dhe të gjithë dëshmorëve dhe martirëve tjerë të kombit. Ky monument do të lërë përjetë gjurmën e vet ndër shekuj, për pasardhësit tanë, që do ta kujtojnë me respekt sakrificën sublime të Ilaz Kodrës. Në emër të qytetarëve të komunës së Skenderajt, falënderoj kryetarin Ramiz Lladrovci, që mundësoi ndërtimin e shtatores, tha në fjalën e tij Kryetari Jashari. Homazhe gjithashtu janë bërë edhe në Kompleksin e Dëshmorëve në Marinë, në nderim të 40 dëshmorëve dhe 278 martirëve të Drenicës, në Shtuticë, te Kompleksi i Dëshmorëve, si dhe në fshatin Verbofc. Kryetari Jashari me bashkëpunëtor ka marrë pjesë edhe në zbulimin e Lapidarit në kujtim të të rënëve të Çirezit, për nderë të Zymer Feratit, Aziz Feratit, Osman Salihut, Lulzim Feratit, Lutfi Salihut dhe Isuf Feratit. Lavdi e përjetshme komandantit Ilaz Kodra, lavdi dëshmorëve tjerë dhe martirëve të kombit!

Kontrolloni gjithashtu

Fillojnë vizitat sistematike të nxënësve të klasave të para dhe pesta të shkollave të komunës së Rahovecit 

Fillojnë vizitat sistematike të nxënësve të klasave të para dhe pesta të shkollave të komunës …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara