Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Eugen Cakolli nga Instituti Demokratik i Kosovës ka vlerësuar se caktimi i seancës konstituive të Kuvendit për 6 gusht është një veprim i vonuar dhe institucionalisht i papërgjegjshëm. Sipas tij, shqetësimi kryesor lidhet me afatin kushtetues prej 60 ditësh për zgjedhjen e presidentit, i cili, sipas interpretimit të Gjykatës Kushtetuese, fillon të rrjedhë nga dita e konstituimit të Kuvendit. Cakolli shpjegon se, nëse Kuvendi konstituohet më 6 gusht, afati i fundit për zgjedhjen e presidentit do të jetë 5 tetori. Në rast se procesi dështon atë ditë, Kuvendi do të shpërndahej pasi të ketë përfunduar edhe mandati i ushtruesit të detyrës së presidentit. Sipas tij, kjo mund ta lërë vendin njëkohësisht pa Kuvend funksional dhe pa ushtrues detyre të presidentit, duke krijuar vështirësi kushtetuese për shpalljen e zgjedhjeve të reja dhe mandatimin e kryeministrit. Cakolli shton se koha e lënë në dispozicion për negociata politike po kalon pa asnjë marrëveshje dhe pa zhvillimin e takimeve të reja ndërmjet partive politike.
