Brickos

Fadil REXHA: ERRËSIRËN E THELLË TË MESNATËS…

(Kushtuar rezistencës heroike të Rexhep MALËS e Nuhi BERISHËS)

 

Errësirën e thellë të mesnatës

e qanë puna e të rinjve

në Atdheun e robëruar

për ditë më të mira

për ditë me dritë…

 

Errësirën e thellë të mesnatës

e qanë nuhatja e langojve

portë më portë

e rrugë më rrugë

për t’ia zgjatur jetën errësirës…

 

Errësirën e thellë të mesnatës

e qajnë qindra automjete

qindra komanda të bishave

qindra valë radiolidhje:

 

Me vrap në Vranjevc

Në “Kodrën e Trimave”

Aty zihet vdekja e jonë

Aty ndizet zjarri i lirisë…

 

Errësirën e thellë të mesnatës

e qajnë qindra flakë automatikësh

qindra bomba lotësjellëse

që krijojnë mjegull mbi Prishtinë…

Por, mbi të gjitha ngrihet

Kënga e dy bijve të popullit

Kënga KUSHTRIM I LIRISË…

 

Për rezistencën e Heronjëve u informuam në takimin e rregullt të grupit ilegal.

Kush ishin Rexhep Malaj e Nuhi Berisha u informuam nga shtypi ilegal kombëtar.

Për vendin e rënies, gazin helmues, që i kishin helmuar gjithë banorët e Lagjes (sot) ,,Kodra e

Trimave” dhe rezistencën e tyre, u informova nga shoku i studimeve dhe veprimtarisë ilegale

kombëtare, Isuf Ismajli! Lufta e tyre u kurorëzua nga Ushtria Çlirimtare e Kosovës!

LAVDI!

 

Varosh, Janar 1991

Kontrolloni gjithashtu

Aziz Mustafa: Bab’, ma gjej “Hamletin”

Aziz Mustafa: Bab’, ma gjej “Hamletin”

Bab’, ma gjej “Hamletin” Këtë kërkesë kishte ime bijë, nxënëse e klasës së nëntë, sot …