leoni

Fermerëve ferizajas u jepen fidane të arrës dhe sistemi i ujitjes

19/04/2019 Institucionet

Drejtoria Komunale për Bujqësi në Ferizaj ka bërë shpërndarjen e fidanëve të arrës për fermerët ferizajas. Drejtori i Bujqësisë në Ferizaj, Burim Bajrami tha se fidanet dhe sistem e ujitjeje janë dhënë për 11 hektarë. Drejtori i Drejtorisë së Bujqësisë, Burim Bajrami ka bërë të ditur se edhe kësaj here shumë fermerë kanë pasur mundësi ti jenë përfitues të fidaneve të ndryshme. “Përfitues janë 22 fermerë. Secili përfitues fiton nga 50 ari fidanë te arrës dhe sistemin komplet të ujitjes. Arrat janë shumë produktive dhe jetëgjata dhe fitimi është relativisht i mirë, ka jetëgjatësi dhe përfitimi ekonomik ka qenë një ndër arsyet kryesore të këtij projekti”, ka thënë Bajrami. Ai madje ka shtuar se përparësi më shumë kanë pas përfituesit të cilët jetojnë në vende malore, pasi që është më i përshtatshme kultivimi i arrës. Ndërsa Feim Sejdiu nga fshati Gaçke, përfitues i këtyre fidaneve u shpreh tejet falënderues ndaj komunës e cila ka ndarë mjete për mbjelljen e fidaneve të ndryshme. Ai pohoi se komuna duhet të vazhdoj me përkrahje të tilla, në mënyrë që ne të punojmë më shumë dhe mos të shohim si zgjidhje të vetme largimin e të rinjëve nga Kosova. Për më tepër këtë vit komuna e Ferizajt ka planifikuar të ndaj 300.000 euro subvencione, duke marr parasysh se këtë vit janë 32.000 mijë euro më shumë sesa vitin e kaluar.

Kontrolloni gjithashtu

Në komunën e Ferizajt u publikua raporti për vlerësimin e nevojave të rinisë për vitin 2024

U publikua raporti për vlerësimin e nevojave të rinisë për vitin 2024, në komunën e …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara