Filloi asfaltimi i rrugës regjionale Stupë-Zajm

14/07/2017 Institucionet

Punimet në asfaltimin e rrugës regjionale Stupë-Zajm i Klinës, e cila lidh fshatrat e Komunës së Klinës, me ato të Pejës, nga afër i ka përcjellë kryetari i Komunës së Klinës,  Sokol Bashota i cili tha se ky është njëri ndër projektet më kapital në infrastrukturën rrugore ngase qytetarët e Klinës e sidomos ata të Lugut të Drinit do të kenë shumë më të lehtë që të lidhen me Pejën dhe magjistralen Prishtinë-Pejë. Faza e parë përfshinë asfaltimin e rreth 1.3 km që ka nisur në fshatin Stupë dhe lidhet me rrugën e fshatrave të Pejës ndërkohë që është duke u punuar edhe në përgatitjen e terrenit ( hapjen e rrugës) në drejtim të fshatit Budisalc. Kjo rrugë, mbi 14 km lidhë fshatrat, Stupë, Budisalc, Nagllavë, Krushevë e Madhe, Zllakuqan, Jagodë, Videjë, Paskalicë dhe Zajm, me rrugën magjistrale Pejë-Prishtinë. I gjithë projekti do të kushtoi mbi 2 milion euro dhe bëhet në bashkëfinancim të Komunës së Klinës dhe Ministrisë së Mjedisit dhe Planifikimit Hapësinor.

Kontrolloni gjithashtu

Komuna e Deçanit po merr pjesë në Panairin e Turizmit dhe Sportit 2024 në Prishtinë

Komuna e Deçanit po merr pjesë në Panairin e Turizmit dhe Sportit 2024 në Prishtinë, …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara