Fondacioni Sollon ndan bursa për nxënës të Skenderajt

28/08/2018 Institucionet

Kryetari i Komunës së Skenderajt, Bekim Jashari, i shoqëruar nga drejtorët e Shëndetësisë dhe Arsimit, respektivisht Osman Veliu dhe Bekim Latifi, kanë pritur në takim Douglas Founk, nga Fondacioni Sollon, dhe nismëtar i nismës për ndarjen e bursave për nxënës të komunës së Skenderajt. Kryetari Jashari ka thënë se është e mirëseardhur ndihma e Fondacionit Sollon, kur kihet parasysh fakti se gjendja ekonomike e familjeve është shumë e rëndë, dhe ato mund të mos i përballojnë shpenzimet e shkollimit të fëmijëve të tyre. Kryetari ka siguruar përfaqësuesit e Fondacionit Sollon se Komuna e Skenderajt do të përkrah aktivitetet e kësaj natyre, që kanë për qëllim t’i ndihmojnë nxënësit e shkollave të komunës së Skenderajt, me çka jepet kontribut në parandalimin e braktisjes së shkollimit. Nga ana e tij, Founk, duke e falënderuar kryetarin Jashari për mbështetje, ka thënë se investimi në arsim, është investimi më i qëlluar, pasi është çelësi kryesor i zhvillimit të një shoqërie. Që prej mbarimit të luftës e deri më tani, vetëm në komunën e Skenderajt, nga Fondacioni Sollon janë shpërndarë 352,600 euro.

Kontrolloni gjithashtu

Komuna e Deçanit nënshkruan marrëveshje bashkëpunimi me kompaninë PMN Sh.P.K

Komuna e Deçanit ka nënshkruar marrëveshje bashkëpunimi me kompaninë PMN Sh.PK. “Nënshkruam kontratën me kompaninë …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara