Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Forcat paqeruajtëse të KFOR-it në vendin tonë, kanë bërë të ditur se në ditët në vijim do të ketë lëvizje të shtuar të trupave dhe automjeteve të KFOR-it brenda Kosovës për shkak të ushtrimeve që do të mbahen. Në njoftimin për media thuhet se ushtrimet do të mbahen në atë mënyrë që të ndikimi te qytetarët të jetë minimal, si vonesa në trafik. Do të kryhen gjithashtu ushtrime për të testuar dhe ruajtur aftësitë operacionale në mënyrë që të sigurohet niveli i njëjtë i trajnimit dhe gatishmërisë së të gjitha njësive në terren. Ndërsa këto ushtrime do të kryhen në mënyrë të tillë që të minimizohet çdo ndërprerje apo ndikim në popullatën lokale, por është e mundur që të ndodhin vonesa në rrjedhën e trafikut dhe shihen lëvizjet e ushtarëve. Prandaj, KFOR-i këshillon shoferët që t’i kushtojnë vëmendje të veçantë nëse janë afër kolonave të automjete ushtarake”, thuhet në njoftim.
