Gjithçka gati për shënimin e 14 vjetorit të Pavarësisë

14/02/2022 Institucionet

Komuna e Ferizajt, konkretisht Drejtoria për Kulturë, Rini dhe Sport, ka bërë të gjitha përgatitjet për shënimin sa më dinjitozë të 14 vjetorit të Pavarësisë së Kosovës. Aktivitete për shënimin e 14 vjetorit të Pavarësisë do të mbahen nën patronatin e Kryetarit të Komunës së Ferizajt, Agim Aliu. Sipas drejtoreshës së Kulturës, Rinisë dhe Sportit Xhemile Murati-Shabanit, këto përgatitje janë bërë në bashkëpunim me shoqata të ndryshme kulturore dhe artistike, por edhe me klubet sportive. Ajo ka thënë se aktivitete për shënimin e Ditës së Pavarësisë, do të fillojnë nga data 16 shkurt ku do të mbahet një aktivitet rinore me teme “Rruga e Kosovës drejt pavarësisë në sytë e të rinjve”, për të vazhduar tutje me një ekspozite të librave të poetëve dëshmorë si dhe do të shpallet lexuesi i vitit në bibliotekën e qytetit. “Po ashtu do të mbahet edhe ekspozita kolektive në galerinë e arteve të organizuar nga Shoqata e Artistëve Figurativ “Zef Kolombi”, ku  do të ndahet edhe çmimi Gursel Sylejmani. Ndërkaq në orën 19:00 do të shfaqet filmi “Zgjoi”, duke respektuar të gjitha masat e pandemisë”, ka thënë drejtorja Murati-Shabani. Ndërsa me datën 17 shkurt, ditën e shpalljes së Pavarësisë së Kosovës, do të ketë aktivitete të ndryshme duke filluar nga ecja në natyre e Shoqatës Bjeshkatare Alpiniste “Luboteni” , ku destinacion do të kenë majën e Lubotenit. “Në orën 10:00 do të bëhen homazhe në Varrezat e Dëshmorëve të Ushtrisë Çlirimtare të Kosovës, për të vazhduar tutje me disa aktivitete letrare të klubit letrar “De Rada”, me ç’rast do të mbahet oda e librit ku do të diskutohet për librin “Karabina e gjyshit”, do të ketë koncert për fëmijë si dhe në orët e mbrëmjes do të ketë koncert festiv nga kori i qytetit-Okteti si dhe grupi i mandolinistëve “Nostalgjikët”, ka përfunduar drejtoresha e Kulturës, Rinisë dhe Sportit Xhemile Murati-Shabani.

Kontrolloni gjithashtu

Kryetari Latifi në 25-vjetorin e rënies, ka nderuar kujtimin për luftëtarin e UÇK- së dhe dëshmorin e kombit, Sadri Fazli Krasniqi

Kryetari i komunës së Rahovecit Smajl Latifi, bashku me familjarë, bashkëpunëtorë e miq, në 25-vjetorin …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara