Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Gjykata Themelore e Prishtinës ka nisur shqyrtimin e kërkesës së Prokurorisë Speciale për të urdhëruar kryeministrin Albin Kurti të paraqitet në organin e akuzës dhe të dëshmojë në lidhje me një rast penal që ka të bëjë me rezervën shtetërore. Kjo kërkesë është bërë pas dy ftesave të mëparshme të refuzuara nga Kryeministri, i cili ka kërkuar që prokurorët të shkojnë në zyrën e tij për ta intervistuar, duke e cilësuar këtë praktikë si një qëndrim të përshtatshëm sipas shembujve të kryeministrave të mëparshëm. Gjykata ka konfirmuar se kërkesa e Prokurorisë është duke u shqyrtuar, por nuk ka dhënë më shumë detaje në lidhje me të. Ish-kryetari i Gjykatës Supreme, Fejzullah Hasani, ka theksuar se gjykata ka tri mundësi për të vepruar në këtë rast. Nëse kërkesa e Prokurorisë miratohet dhe Kurti vazhdon të refuzojë të dëshmojë, situata mund të krijojë një presion të mëtejshëm në imazhin e shtetit dhe mund të ketë pasoja negative në proceset e integrimit të Kosovës, nënvizoi, Fejzullah Hasani.
