Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Kryetari i Organizatës së Veteranëve të Luftës së UÇK-së, Hysni Gucati ka deklaruar se nuk duhet përjashtuar mundësinë që nga Gjykata Speciale në Hagë të ftohet edhe kryetari i vendit, Hashim Thaçi dhe kryetari i Kuvendit, Kadri Veseli. “Prej Gjykatës Speciale pritet gjithçka. Kjo është një Gjykatë e pabesë po e them me sinqeritetin më të madh. Kjo mund ta thirr edhe ndonjë fëmijë që në atë kohë i ka pasë 8 ose 9 vjet. Çdo minutë , çdo ditë presim ftesa prej Gjykatës Speciale. Do të jetë shumë i madh numri i të ftuarave, deri më tani kanë shkuar mbi 80. Kemi deputetët të Parlamentit të Kosovës që kanë dhënë intervistë këtu në Dhomat e Specializuara në Kosovës e që s’kanë dashur që emrat t’u bëhen publik. Unë ju kisha bë apel shokëve që s’kemi nevojë të fshehim emra, duhet me qenë krenarë pse kemi qenë pjesë e UCK-së dhe Komandat, duhet të jenë krenarë”ka theksuar kryetari i Organizatës së Veteranëve të Luftës së UÇK-së, Hysni Gucati. Ai ka theksuar më tutje se Gjykata Speciale është turpi më i madh që ka ndodhur në historinë tonë dhe që synon ta barazon luftën drejt dhe çlirimtare të UCK-së me krimet që ka bërë Serbia anekënd Kosovës.
