Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Pas heqjes së tarifës për lëndën e parë nga Serbia dhe Bosnjë e Hercegovina, ministrja e Ekonomisë, Punësimit, Tregtisë, Industrisë, Ndërmarrësisë dhe Investimeve Strategjike, Rozeta Hajdari, ka kërkuar nga Serbia që edhe ajo të heq barrierat për bizneset e vendit tonë. Gjatë konferencës për medie, ajo tha se meqë Qeveria e Kosovës sot hoqi taksën për lëndën e parë nga BiH dhe Serbia, aleatët ndërkombëtarë të bëjnë presion te Serbia, që të heq barrierat për bizneset kosovare dhe të ndalojë fushatën e çnjohjejeve. Kosova vazhdon të ballafaqohet me deficit tregtar me vendet e CEFTA-s, fakti që ka nivelin më të ulët të eksporteve në rajon është një shenjë e qartë që kemi deficit tregtar. Ne të gjithë kemi përkrahur këtë tarifë por, realiteti tani është ndryshe, dhe efekti i saj ska qenë i pritur. Statistikat tregojnë për rënie të eksportit në vendet e CETTA-s veçanërisht me Serbinë dhe Bosnjën. Kosova po dëshmon se është në pajtim me aleatët. Kjo dëshmohet me heqjen e tarifës për lëndën e parë, theksoi ministrja e Ekonomisë, Punësimit, Tregtisë, Industrisë, Ndërmarrësisë dhe Investimeve Strategjike, Rozeta Hajdari.
