Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Ish-deputeti i Vetëvendosjes dhe tani anëtar i AAK-së, Haki Abazi, ka kritikuar ashpër kryeministrin Albin Kurti, duke e akuzuar se qëllimisht po e çon vendin drejt krizës institucionale. Sipas tij, Kurti po i dënon qytetarët e Kosovës për faktin që nuk arriti të marrë 500 mijë vota në zgjedhjet e fundit. Abazi u shpreh se Kuvendi ka humbur funksionalitetin dhe kjo, sipas tij, është rezultat i një “skenari politik” të ndërtuar nga Kurti. Ai akuzoi gjithashtu presidenten Vjosa Osmani për manovrime, duke thënë se ajo po bëhet pjesë e pazareve të kryeministrit për fazën e ardhshme politike. Sipas Abazit, ky bashkëpunim mes Kurtit dhe Osmanit prodhon një koncept politik të paqartë dhe të dëmshëm për vendin, duke rritur frustrimin qytetar dhe duke e thelluar bllokadën institucionale.
