Haradinaj: Adem Jashari na ka dhënë leksion se një popull që e mbron vendim me çmimin e ka të ardhmen e sigurt

Kryeministri i vendit, Ramush Haradinaj ka thënë se sot 21 vite më parë është flijuar një familje e tërë që Kosova ta gëzojë lirinë. Haradinaj ka thënë se komandanti, Adem Jashari na ka dhënë leksion se vetëm një popull që është i gatshëm ta mbroj vendim me çmimin e jetës e ka të ardhmen e sigurt. Ai ka theksuar se Ushtria e Kosovës nuk do të përdoret kundër popullit as në jug e as në veri. Këto deklarata, kryeministri i bëri gjatë ceremonisë ushtarake të FSK-së për nder të 21 vjetorit të Epopesë së Ushtrisë Çlirimtare të Kosovës, në kujtim të Komandantit legjendar Adem Jashari, familjes Jashari dhe të gjithë dëshmorëve të kombit.