Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Autoritet më të larta të vendit, personalitete të shumta dhe qytetar të shumtë kanë përkujtuar simbolin e rezistencës, bac Adem Demaçin. Kryeministri në dorëheqje, Ramush Haradinaj theksoi se pa fjalën e bacës Adem që rrezatonte shpresë, njerëzit vështirë do të rreshtoheshin në lëvizjen e rezistencës dhe liria e Kosovës do të ishte vetëm ëndërr. Atij ju ndalu fjala prandaj ai veproj një jetë të tërë për lirinë e saj. Ai kurrë nuk u ndal, krijoj liri për të tjerët. Para një viti, Kosova u nda nga heroi i saj, që shkriu 28 vite të jetës së tij duke e menduar lirinë. Bac, Adem Demaçi ishte luftëtar, 10 mijë ditë prapa hekurave nuk i konsideroi ditë të humbura por ditë të angazhimit për Kosovë! Ai i tregoi popullit se cila ishte rruga që shpien te liria. Askush si baca Adem nuk ka dhënë shpresë se liria është e mundshme, ka theksuar në mes tjerash, kryeministri në dorëheqje, Ramush Haradinaj. Ndërsa këshilltarja e tij, Albena Reshitaj ka shkruar veç tjerash se edhe një vit pas vdekjes së tij, Adem Demaçi vazhdon të ndriçojë rrugën tonë politike. Sakrifica, vuajtjet, peripecitë e përpjekjet disa dekadëshe të bacës Adem janë shembulli më i mirë për politikanët.
