Haradinaj nderohet me titullin “Misionar i Paqes”

Haradinaj nderohet me titullin “Misionar i Paqes”

Kryetari i Aleancës për Ardhmërinë e Kosovës, njëherësh kandidat për kryeministër nga koalicioni PDK-AAK-Nisma, Ramush Haradinaj, është nderuar me titullin “Misionar i Paqes” dhe me medaljen “Golden Ambassador Richard Holbrooke”. Ky titull dhe kjo medalje Haradinajt i është ndarë nga Misioni Diplomatik për Paqe dhe Prosperitet dhe Misioni Diplomatik Amerikan për Paqen Botërore. Me këtë rast, Haradinaj ka deklaruar se sot është një moment ndryshe, dhe një nderë për të. “Kur vjen ky nderim prej Amerika është vetvetiu më i çmueshëm, pasi që Amerika është engjëlli ynë mbrojtës. Ne do të jemi besnik të idealeve të lirisë dhe paqes të cilave ju prinë Amerika”, ka deklaruar Haradinaj. Ndërsa, Shefki Hysa, drejtor i Misionit për Paqe dhe Prosperitet, ka theksuar se Haradinaj nuk i përket më vetëm Kosovës, por gjithë botës për paqe. Hysa ka thënë se të tjerët thonë që të mos i lartësojnë shumë heronjtë, por ai ka pyetur se a a mund të harrohen sakrificat e djemve të UÇK-së.

 

Kontrolloni gjithashtu

Shaip Kamberi

Shaip Kamberi nuk ka arritur të fitojë mandatin e deputetit në Kuvendin e Serbisë pas rivotimit që u bë në Tërnoc

Koalicioni i Shqiptarëve të Luginës ka marrë vetëm 598 vota, ndërkaq Kamberit i duheshin së …