Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Ambasadori i Britanisë së Madhe në Kosovë, Xhonathan Hargreaves, ka shprehur mbështetje për themelimin e Asociacionit të Komunave me Shumicë Serbe, duke theksuar se kjo iniciativë do të zgjidhte shumë çështje të rëndësishme për të dyja palët. Ai shprehu bindjen se ky asociacion do të ishte një mënyrë efektive për të trajtuar çështjet e vështira që ekzistojnë në marrëdhëniet ndërmjet Kosovës dhe Serbisë. Hargreaves theksoi se ka ende çështje të cilat kërkojnë trajtim në kuadër të dialogut të lehtësuar nga BE-ja. “Nëse ato qartësohen deri në fund në kontekstin e dialogut, mendoj se shumë prej tyre do të trajtoheshin edhe përmes themelimit të Asociacionit, tha ai. Kam pasur mundësi që të vizitoj disa herë këtë vit veriun e Mitrovicës. Mendoj që është shumë e dobishme që të kuptoj dhe dëgjoj shpresat dhe aspiratat nga vetë njerëzit këtu, saktësoi Xhonathan Hargreaves.
