Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Diplomatët amerikanë po u bëjnë me dije qytetarëve të Kosovës që të mos mashtrohen nga deklaratat e udhëheqësve të tyre se marrëdhëniet me Amerikën gjoja nuk qenkan lëkundur, vlerësojnë njohësit e çështjeve politike në vendin tonë e më gjerë. Sipas tyre, ata po e thonë hapur, pa gjuhë diplomatike, se ky partneritet është lëkundur seriozisht. Ditë më herët, ambasadori i Shteteve të Bashkuara të Amerikës, në Prishtinë, Jeffrey Hovenier, tha se çfarëdo sugjerimi se gjërat midis Kosovës dhe SHBA-së janë në rregull, “nuk është aspak i vërtetë”. Ai e bëri këtë reagim, pasi kryeministri i Kosovës, Albin Kurti, këmbënguli të kundërtën, edhe pse ndihmësi i sekretarit amerikan të Shtetit, James O’Brien, tha më 13 shkurt se vendimi i Kosovës për dinarin serb i ka vënë në pikëpyetje marrëdhëniet Kosovë-Amerikë.
