Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
I ngarkuari i Bashkimit Evropian për dialogun Kosovë-Serbi, Miroslav Lajçak në fillim të javës së ardhmes pritet që ta vizitojë Kosovën. Ai këtë vizitë e kishte paraparë edhe gjatë kësaj jave por që i njëjti e ka anuluar pa i bërë të ditura arsyet. I dërguari i BE-së, për dialogun vjen në Kosovë edhe për temën e Asociacionit. Serbia po vazhdon të këmbëngulë për të rihapur çështjen e Asociacionit të komunave me shumicë serbe, ndërkohë që pala e Kosovës tashmë ka deklaruar se kjo është temë e mbyllur dhe se nuk do të diskutohet për të. Bashkimi Evropian, i cili ndërmjetëson dialogun ndërmjet Kosovës dhe Serbisë, ka shprehur qëndrimin duke thënë se në zbatimin e Marrëveshjes për krijimin e Asociacionit të komunave me shumicë serbe duhet të merret parasysh edhe mendimi i Gjykatës Kushtetuese të Kosovës. Pas vizitës që Lajçak do t’i bëjë Kosovës e Serbisë, pritet që të rinisë procesi i dialogut në Bruksel.
