Institucionet komunale apelojnë te qytetarët për kufizim të lëvizjes dhe mbajtje të distancës

08/04/2020 Institucionet

Ndonëse komuna e Vitisë nuk ka pasur raste të reja të të infektuarve me Covid 19, autoritetet komunale apelojnë për kujdes dhe respektim të masave të ndërmarra nga IKSHP-ja. Kryetari i komunës së Vitisë Sokol Haliti, ka apeluar te qytetarët që të kenë parasysh rrezikun që mund ta shkaktoj qarkullimi i pakontrolluar dhe lëvizjet e panevojshme, e posaçërisht grumbullimi i njerëzve, në përhapjen e virusit Covid19. “Andaj, edhe pse lajmi i mirë që 77 vjeçari nga Stublla tash më është shëruar dhe ka rezultuar negativ dhe gjendja shëndetësore e të tjerëve është e mirë dhe drejt normalizimit, megjithatë kujdesi dhe vigjilenca qytetare për t’iu shmangur turmave dhe lëvizjeve duhet të jetë në nivelin e duhur. Apelojmë që të mbahet distanca, por edhe të kufizohet lëvizja e qarkullimit, të paktën edhe në këto tri javët e ardhshme, në mënyrë që ta tejkalojmë këtë situatë me sa më pak të infektuar dhe pasoja”, ka thënë kryetari Haliti.

Kontrolloni gjithashtu

Nënshkruhet Memorandum i Mirëkuptimit në mes të Komunës së Vitisë dhe organizatës “CNVP”

Sot, kryetari i komunës së Vitisë, Sokol Haliti, ka pritur në takim Xhevat Lushin – …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara